
Ստամբուլում ՀՀ ԱԳ նախարար Արարատ Միրզոյանի մասնակցությամբ մեկնարկել է «3+3» տարածաշրջանային խորհրդակցական հարթակի երրորդ հանդիպումը, տեղեկացնում են ՀՀ ԱԳՆ-ից:
Հանդիպմանը մասնակցում են նաև Ադրբեջանի, Ռուսաստանի, Իրանի և Թուրքիայի արտաքին գործերի նախարարները։
Տարածաշրջանային խորհրդակցական հարթակի («3+3») ձևաչափով երկրորդ հանդիպումը կայացել է հոկտեմբերի 23-ին Թեհրանում։ Իրանական կողմի հրավերով հանդիպմանը մասնակցել են ՀՀ արտաքին գործերի նախարար Արարատ Միրզոյանը, Իրանի, Ռուսաստանի, Ադրբեջանի և Թուրքիայի արտաքին գործերի նախարարները:




