Եթե աշխարհում գոյություն ունեցող մեկը մյուսից տարբեր ու հետաքրքիր մասնագիտություններից Ձեզ գրավել է հենց խեցեգործի մասնագիտությունը, ցանկանում եք պահպանել և խթանել այս արհեստի զարգացումն ու, բնության այս բարիքն օգտագործելով ամենատարբեր ասպարեզներում, կերտել գեղեցիկը, ապա մասնագիտական ավանդույթների, գիտելիքների ու հմտությունների, աշխատանքային հատուկ գործիքների, ինքնատիպ մտածողության և անսահմանափակ երևակայության արդյունքում Ձեզ կհաջողվի իրագործելու Ձեր երազանքը, իսկ հմուտ վարպետի ձեռքերում՝ այս յուրօրինակ արհեստը կվերածվի արվեստի:
Խեցեգործություն կամ կավից իրեր պատրաստելու արվեստ. շարունակ ստեղծագործելու, լիցքաթափվելու և արվեստի մեջ շաղախվելու մասնագիտություն, որը, գոյատևելով մինչ օրս, շարունակում է գրավել շատերին՝ զարդարելով մարդկանց կենցաղը, մշակույթը, կիրառվելով ճարտարապետության, քանդակագործության մեջ, դեկորատիվ-կիրառական արվեստում:
Ու չպետք է մոռանալ, լայնորեն տարածված ու սիրված այս մասնագիտության ամենակարևոր նախապայմանը, իհարկե, սերն ու աշխատասիրությունն է։ «Մասնագիտություն» հաղորդման հյուրը գեղանկարիչ-խեցեգործ Վազգեն Գևորգյանն է։
