Ժողովրդական երաժշտության և պարի ազգային կենտրոնի Հայաստանի «Բարեկամություն» պետական անսամբլը ապրիլի 15-ին, ժամը 19:00-ին, Հայաստանի օպերայի և բալետի ազգային թատրոնում հանդես կգա «Ֆրանկոֆոնիան պարի լեզվով» խորագիրը կրող համերգային ծրագրով:
Համերգին մասնակցություն կունենան նաև Երևանի պարարվեստի պետական քոլեջի ուսանողները: Համերգային երեկոյի ընթացքում կներկայացվեն տարբեր ազգերին և ժողովուրդներին բնորոշ պարեր` նվիրված Ֆրանկոֆոնիայի միջազգային օրվան:
Ֆրանկոֆոնիա տերմինը առաջին անգամ օգտագործվել է 1880 թվականին` ֆրանսիացի աշխարհագրագետ Օնեսիմ Ղեկլուի կողմից։ Այդ տերմինը նա օգտագործել է նկարագրելու համար այն մարդկանց և երկրները, որոնք խոսում են ֆրանսերեն: Ֆրանկոֆոնիա բառն առաջացել է ֆրանսերեն բառից:
