Բուդապեշտի Սուրբ Աստվածածին և Սուրբ Գրիգոր Լուսավորիչ հայ կաթոլիկ եկեղեցին արդեն ունի մշտական հովիվ՝ Հայր Մաշտոց ծայրագույն վարդապետ Զահթերզյանը, և սարկավագ՝ Գրիգոր Բոյաջյանը։
Հայաստանի և Հունգարիայի միջև տևական դիվանագիտական կապերի բացակայությունից հետո նախորդ տարի դրանք վերականգնվեցին, ինչը հունգարահայ համայնքի երազանքն էր։
Հունգարական ռադիոյի հայկական հաղորդումների բաժնի պատասխանատու Սոսի Սուսանյանն ուրախությամբ է նշում Բուդապեշտում հայկական հոգևոր կյանքի զարթոնքի մասին: Ասում է՝ ունենք նոր վարդապետ, որը կհամախմբի հայությանը հաավատքի ու եկեղեցու շուրջ:
Սոսին նաև ուրախությամբ է խոսում Հայաստան-Հունգարիա դիվանագիտական հարաբերութունների վերահաստատման մասին: «Արդեն կա երկու երկրների միջև կապ, սպասում ենք նաև Երևան-Բուդապեշտ ուղիղ չվերթին», — ավելացնում է:
«Սուրբ Ծննդյան խորհուրդը բոլոր հայերի մեջ է, ուզում ենք, որ այն մեր երկրին բերի խաղաղություն», — ասում է Սոսի Սուսանյանը:
