Սերգեյ Խաչատրյանը և Հայաստանի պետական սիմֆոնիկ նվագախումբը հանդես կգան բարեգործական համերգով

Դեկտեմբերի 19-ին՝ ժամը 19:30-ին, Արամ Խաչատրյան համերգասրահում տեղի կունենա Հայաստանի պետական սիմֆոնիկ նվագախմբի և վիրտուոզ ջութակահար Սերգեյ Խաչատրյանի համերգը՝ դիրիժոր Սերգեյ Սմբատյանի ղեկավարությամբ։

Համերգի տոմսերի վաճառքից ստացված ամբողջ հասույթն ուղղվելու է ՅՈՒՆԻՍԵՖ-ին՝ հոգալու Արցախի երեխաների առաջնային կարիքները։

Ծրագրում կհնչեն Նիկոլայ Ռիմսկի-Կորսակովի «Սուրբծննդյան նախօրե» սյուիտը և Ալեքսանդր Գլազունովի Ջութակի կոնցերտը։