Նիւ Եորք ՝ ՄԱԿ-ի կեդրոնին մէջ տեղի ունեցաւ ՄԱԿ-ի Անվտանգութեան խորհուրդի բաց քննարկում ։ Հայաստանի Արտաքին գործոց նախարարի տեղակալ Վահէ Գէորգեան ներկայացուց Ատրպէյճանի կողմէն Լաչինի միջանցքի ապօրինի արգելափակումը եւ այդ պատճառով Լեռնային Ղարաբաղի մէջ ստեղծուած ծանր իրավիճակը։
Միջազգային հանրութիւնը պէտք է միասին գործէ, որպէսզի Ալիեւ դադրեցնէ Լաչինի միջանցքի շրջափակումը. Քոնկրեսական Ֆրանք Փալոն գրած է Twitter-ի մէջ ողջունելով ՄԱԿ-ի գլխաւոր քարտուղարի դիրքորոշումը Լեռնային Ղարաբաղի մարդասիրական ճգնաժամին վերաբերեալ:
Արդէն 10-րդ օրն է, որ 361 թոն մարդասիարական բեռը կարելի չեղաւ տեղափոխել Լեռնային Ղարաբաղ , բեռնատարները կը շարունակեն սպասել Կոռնիձորի սահմանային հատուածին: ՄԱԿ-ի ներկայացուցիչները, այցելեցին Կոռնիձորի սահմանային հատուած, առիթ ունեցան հաւաստիանալու , որ Լաչինի միջանցքը կը մնայ փակ` չնայած Ատրպէյճանի յայտարարութիւններուն, եւ մարդասիրական օգնութեան շարասիւնը կը գտնուի անշարժ վիճակի մէջ:
Համահայկական ամառնային խաղերու բացման արարողութիւնը տեղի պիտի ունենայ 5 Օգոստոսին Կիւմրիի մարզադաշտին մէջ: Կարգախօսն է ՝ «Միասնութիւն սփորթով» , բացումը ժամը 21:00-ին։
