ԱՄՆ հավանություն չի տալիս Ղրիմի ինքնորոշման հանրաքվեին, հայտարարել է ԱՄՆ նախագահի մամուլի քարտուղար Ջեյ Քարնին: «Միացյալ Նահանգները ճանաչում է Ուկրաինայի անկախությունը, ինքնիշխանությունն ու տարածքային ամբողջականությունը: Մենք մերժում ենք հանրաքվեն, որն անցկացվել է Ուկրաինայի Ղրիմի շրջանում», -հայտարարել է Սպիտակ տան ներկայացուցիչը: Նա Ռուսաստանի գործողություններն անվանել է «վտանգավոր և ապակայունացնող» և կոչ է արել միջազգային հանրությանը դատապարտել դրանք, աջակցելով Կիևի իշխանություններին, որոնց օրինականությունը կասկածի տակ է դնում Մոսկվան:
