Լուսինե Ավանեսյան
«Ռադիոլուր»
Ստեփանակերտ
Լեռնային Ղարաբաղի Հանրապետության առողջապահության նախարարութունը հունվարի երկրորդ կեսին ահազանգել է վերին սուր շնչառական ուղիների վարակների աճի մասին: Լեռնային Ղարաբաղի Հանրապետության առողջապահության նախարարության կողմից Հայաստանի Հանրապետության առողջապահության նախարարության համապատասխան հիմնարկի լաբորատորիա են ուղարկվել հիվանդներից վերցված նմուշներ: Հայտնաբերվել է վիրուսային գրիպ Ա տեսակի H3N2 ենթատեսակը:
Մշտադիտարկման արդյունքում հայտնաբերված մոտ 1200 հիվանդների 74%-ը կազմում է մինչև 18 տարեկան երեխաները: Արցախի մի քանի դպրոցներում դադարեցվել են պարապմունքները: Այս մասին Ռադիոլուրին ասել է ԼՂՀ Կրթության և գիտության նախարար Սլավա Ասրյանը:
