Հանրապետականները հայտարարում են Ներկայացուցիչների պալատում մեծամասնություն կազմելու մասին

ԱՄՆ Կոնգրեսի Ներկայացուցիչների պալատի հանրապետական ​​առաջնորդ Քևին Մաքքարթին վստահություն է հայտնել, որ Կոնգրեսի միջանկյալ ընտրություններից հետո պալատը կվերադառնա իր կուսակցության վերահսկողությանը։

«Հասկանալի է, որ մենք հետ ենք վերցնում Ներկայացուցիչների պալատը: Երբ դուք վաղը արթնանաք, մենք մեծամասնություն կլինենք, իսկ Նենսի Փելոսին (խոսնակ, Ներկայացուցիչների պալատի դեմոկրատական ​​մեծամասնության առաջնորդը)  փոքրամասնության մեջ», — ասել է նա Վաշինգտոնում ելույթ ունենալով:

Եթե ​​Մաքքարթիի կանխատեսումն իրականանա, նա խոսնակի պաշտոնում կփոխարինի Փելոսիին։ Իսկ Փելոսիի հայտարարության մեջ, որը հրապարակել է CSPAN գործակալությունը, ասվում է, որ Դեմոկրատական ​​կուսակցության հաջողությունները վստահորեն գերազանցում են սպասելիքները։

ԱՄՆ Կոնգրեսի ընտրությունների քվեարկությունն ավարտվել է Ալյասկայի ընտրատեղամասի փակմամբ ։ Այժմ ընթանում է ձայների հաշվարկը, որը, կախված հանգամանքներից, կարող է ձգվել մի քանի օրով։

Ընտրությունները կորոշեն Ներկայացուցիչների պալատի բոլոր 435 տեղերի և Սենատի տեղերի մոտ մեկ երրորդի ճակատագիրը: Նախնական կանխատեսումները ցույց են տալիս, որ ընդդիմադիր Հանրապետական ​​կուսակցությունը վերահսկողություն կսահմանի Կոնգրեսի պալատներից առնվազն մեկի նկատմամբ։

NBC հեռուստաալիքի կանխատեսման համաձայն՝ հանրապետականները Ներկայացուցիչների պալատում կունենան 219 տեղ, դեմոկրատները՝ 216։