ՅՈՒԿՕՍ ընկերության նախկին նախագահ Միխայիլ Խոդորկովսկին, որը Ռուսաստանի նախագահի կողմից ներում ստանալուց անմիջապես հետո մեկնել էր Բեռլին, հայտարարել է, որ կարող է բնակություն հաստատել Շվեյցարիայում:
Նաև հավելել է, որ մտադիր է Շվեյցարիա տեղափոխվելու որոշումը քննարկել կնոջ` Իննայի հետ: Ավելի վաղ Խոդորկովսկին հայտարարել էր, որ դեռ չգիտի, թե որքան կմնա Գերմանիայում և, որ դեռ չի խորհրդակցել իր ընտանիքի անդամների հետ: Նա նշել է, որ իրեն մեկ տարվա վիզա է տրամադրվել:
