Human Right Watch-ի Եվրոպայի և Կենտրոնական Ասիայի բաժնի փոխտնօրեն Գիորգի Գոգիան կոչ է անում շտապ քայլեր ձեռնարկել` Արցախում հետագա հումանիտար ճգնաժամից խուսափելու համար։
Խնդրին նա անդրադարձել է այն բանից հետո, երբ երկու շաբաթվա ընթացքում երկրորդ անգամ Լեռնային Ղարաբաղի բնակիչները ցուրտ եղանակին մնացել են առանց գազամատակարարման՝ Ադրբեջանի կողմից վերահսկվող տարածքով անցնող գազատարի պատճառով:
Գոգիան նշում է, որ հացի գործարանները նույնպես չեն կարողանում աշխատել, և կա հացի պակաս։
«Գազի անջատումը անդրադարձել է նաև կրթական հաստատությունների՝ մանկապարտեզների և դպրոցների վրա։ Դրանք փակ են, քանի որ չեն ջեռուցվում։ Շտապ քայլեր են անհրաժեշտ՝ հետագա հումանիտար ճգնաժամից խուսափելու համար»,- Twitter-ում գրել է Գիորգի Գոգիան։
«Վերջին շաբաթների ընթացքում նաև լարվածության աճ է գրանցվել շփման գծում: Եթե սա բնակչության տեղահանելու միտումնավոր փորձ է, ապա դա Ժնևի կոնվենցիաների խախտում է»,- հավելել է նա:
For 2nd time in 2 weeks, Nagorno-Karabakh residents are left without heating in freezing temperatures because of a gas pipeline running through Azerbaijan-controlled territory. https://t.co/ORqxIiK23d Many bakeries are also unable to operate causing an acute shortage of bread 🧵 pic.twitter.com/INBsJD7cZq
— Giorgi Gogia (@Giorgi_Gogia) March 23, 2022
