Ինչպե՞ս պահպանել և զարգացնել մշակութային ժառանգությունը, ի՞նչ տեղեկություններ ու հղումներ են պարունակում կարպետներն ու գորգերը, ի՞նչ խնդիրներ ունեն ժողովրդական վարպետները։ Նկարիչ, տիկնիկագործ, ժողովրդական վարպետ Մարիամ Խարազյանն ասում է, որ նա «քանդում» է նախորդների արածը՝ հետազոտելու և խորանալու համար։
«Գորգի կոմպոզիցիան շատ հետաքրքիր շերտեր է իր մեջ պարունակում․ և՛ պատմական, և՛ հոգևոր մտածողության։ Ձեռարվեստում անծայր ինֆորմացիա կա։ Մեր մտածողությունն այնքան է փոխվել, որ մենք ուղղակի դրանց նայում ենք որպես նախշերի», – մեկանաբանում է արվեստագետը։
