Հանրապետության տոնին նվիրված երեկույթ՝ Զագրեբում

Հունիսի 2-ին Զագրեբի Շերաթոն հյուրանոցում կայացել է Հանրապետության տոնին նվիրված երեկույթ։ Միջոցառմանն իրենց մասնակցությունն են բերել Խորվաթիայի խորհրդարանի Խորվաթիա-Հայաստան պատգամավորական բարեկամական խմբի անդամները, հայերի բարեկամ մի շարք այլ պատգամավորներ և Խորվաթիայի հայ համայնքի ներկայացուցիչները։

Բացման խոսքերով հանդես է եկել Խորվաթիայում ՀՀ դեսպան Աշոտ Հովակիմյանը և Խորվաթիայի խորհրդարանի Խորվաթիա-Հայաստան պատգամավորական բարեկամական խմբի նախագահ Դավոր Իվո Շտիրը։