Ֆրանսիայի արտաքին գործերի նախարարությունը թվիթերյան իր էջում անդրադարձել է Ադրբեջանում պահվող հայ գերիների անհապաղ ազատ արձակման խնդրին: Նախարարության կատարված գրառմանը արտաքին քաղաքական գերատեսչությունը կցել է նաև ԵԱՀԿ Մինսկի խմբի համանախագահների մայիսի 5-ի հայտարարությանը:
«Կոչ ենք անում անհապաղ ազատ արձակել բոլոր հայ գերիներին: Մայիսի 4-ին Ադրբեջանում պահվող երեք հայ գերիների ազատ արձակումը դրական քայլ է այդ ուղղությամբ»,- նշել է Ֆրանսիայի ԱԳ նախարարությունը:
#NagornoKarabakh
— France Diplomacy🇫🇷 (@francediplo_EN) May 6, 2021
We call for the expeditious release of all Armenian detainees still being held. Azerbaijan’s release of three Armenian detainees yesterday is a step in the right direction.
Statement by the Co-Chairs of the OSCE Minsk Group ➡https://t.co/luJHqiP6Qd pic.twitter.com/WTbSBBujPt
Մայիսի 5-ին ԵԱՀԿ Մինսկի խմբի համանախագահներ Իգոր Պոպովը (ՌԴ), Ստեֆան Վիսկոնտին (Ֆրանսիա) և Էնդրյու Շոֆերը (ԱՄՆ) դարձյալ կոչ են արել վերադարձնել բոլոր պահվող անձանց, կալանավորվածներին, ինչպես նաև օպերատիվորեն իրականացնել աճյունների փոխանակման գործընթացը:
