Համավարակին զուգահեռ՝ Հայաստանը բախվեց մեկ այլ աղետի. 2020 թվականի սեպտեմբերի 27-ից ադրբեջանական զինված ուժերի կողմից Հայաստանի ու Արցախի դեմ սանձազերծած լայնածավալ պատերազմով կոպտորեն ոտնահարվել են տասնյակ հազարավոր խաղաղ բնակիչների` այդ թվում երեխաների կյանքի և կենսական կարևորության մյուս իրավունքները:
2020 թվականի ընթացքում Մարդու իրավունքների պաշտպանի գործունեության, մարդու իրավունքների և ազատությունների պաշտպանության վիճակի մասին տարեկան հաղորդման մեջ պաշտպանն անդրադարձել է նաև կրթության իրավունքի իրացման խնդիրներին: