Զինուած Ուժերու գլխաւոր շտապի պետ Օննիկ Գասպարեանը իրաւունքի ուժով այսօրուընէ ազատ կը համարուի իր զբաղեցուցած պաշտօնէն , յայտարարութիւնը առաւօտեան տարածեց վարչապետի աշխատակազմը։ Առաջնորդուելով՝ Սահմանադրութեան 139 յօդուածի 3-րդ մասով, ինչպէս նաեւ «Զինուորական ծառայութեան եւ զինծառայողի կարգավիճակի մասին» օրէնքի 35.1 յօդուածի 6-րդ մասով եւ նոյն օրէնքի 40-րդ յօդուածի 3-րդ մասով: Այս յայտարարութենէն քիչ անց ՀՀ նախագահի աշխատակազմէն յայտնեցին, որ նախագահը դիմում ներկայացուցած Սահմանադրական դատարան «Զինուորական ծառայութեան եւ զինծառայողի կարգավիճակի մասին» 2017թ. Նոյեմբեր 15-ի օրէնքի՝ Սահմանադրութեան համապատասխանելու հարցը որոշելու խնդրանքով:
Ազգային Ժողովը կը շարունակէ իր աշխատանքները, ոչ մէկ պատգամաւոր երեկուան շրջափակումէն յետոյ շէնքին մէջ չէ մնացած . յայտնեց պատգամաւոր Արմէն Խաչատրեան՝ աւելեցնելով որ․ ոչ ոք չի կարող խաթարել պատգամաւորներուն աշխատանքը: Գիշերը Բաղրամեան պողոտան եւ Դեմիրճեան փողոցը քաղաքացիները փակ պահած են , գիշերն անցած է խաղաղ, առանց միջադէպերու։
Այսօր՝ Մարտի 10-ին Քաննի միջազգային փառատօնին կը ներկայացուի, հայկական, Նորա Մարտիրոսեանի՝ «Երբ որ քամին հանդարտի» ֆիլմը ։ Այսօր տեղի կ՛ունենայ նախադիտումը , Ֆրանսա-Հայաստան-Պելճիքիա համատեղ արտադրութեան ֆիլմը անկախութեան առաջին շարժապատկերն է , որ Հայաստանէն կը ներկայացուի Քաննի միջազգային փառատօնին։
Այսօր միջինք է, ըստ Մաղաքիա արք. Օրմանեանի` միջինքը Մեծ պահքի չորրորդ Չորեքշաբթին կամ 24-րդ օրն է: Ըստ ժողովրդական ավանդութեան` այս օրը հայ տանտիկինները բաղարջ կը թխեն, որուն մէջ բախտ կը դնեն:
