Ալիսա Գեւրգյան
«Ռադիոլուր»
ՀՀ նախագահի տիկին Ռիտա Սարգսյանի բարձր հովանու ներքո, ՀՀ մշակույթի նախարարության աջակցությամբ, հունիսի 2-5-ը Երևանում կանցկացվի «Նոր անուններ» պատանի երաժիշտ-կատարողների 3-րդ միջազգային փառատոնը, որին կմասնակցեն մինչև 18 տարեկան շուրջ 4 տասնյակ շնորհալի երաժիշտներ` Հայաստանից, Ռուսաստանից, ԱՄՆ-ից, Կուբայից, Բելառուսից, Ղազախստանից, Մալթայից, Սիրիայից, Վրաստանից: Փառատոնի մասնակիցները երևանյան ունկնդրին կներկայանան նվագախմբային և մենանվագ կատարումներով:
Փառատոնի հանդիսավոր բացումը տեղի կունենա հունիսի 2-ին` Երևանի Կոմիտասի անվան կամերային երաժշտության տանը: Ծրագրի ղեկավարն է մշակույթի գործիչների ընկերակցության նախագահ, ՀՀ մշակույթի վաստակավոր գործիչ Սիլվա Մեքինյանը:
