Ի՞նչ գիտենք մենք տիեզերքի մասին։ Վերջին տասնամյակներում անսպասելիորեն պարզվել է՝ շատ քիչ բան։ Գիտնականները պարզել են ՝ տիեզերքը հիմնական մասը մութ է, աներևույթ, իսկ տեսանելի է տիեզերքի միայն փոքր մասը:
Օրինակ, երկնքում երևացող աստղերը կազմում են տիեզերքի չնչին մասը՝ 0․5 տոկոսից պակաս։ Տիեզերքի այդ մութ հիմնական մասը՝ մոտ 95 տոկոսը, չի բացատրվում գոյություն ունեցող ֆիզիկայի օրենքներով։
«Մութ տիեզերքի» ուսումնասիրությամբ Հայաստանում զբաղվում է Ալիխանյանի անվան ազգային գիտական լաբորատորիայի Կոսմոլոգիայի և աստղաֆիզիկայի կենտրոնը, որը ղեկավարում է պրոֆեսոր Վահագն Գուրզադյանը:
Կենտրոնը մեծ չէ, այսօր ունի 13 գիտաշխատող, գիտությունների երիտասարդ թեկնածուներ՝ հիմնականում Գուրզադյանի նախկին ասպիրանտներ, նրանցից հինգը ընդգրկվել են արդյունավետ գիտաշխատողների՝ ներառյալ երիտասարդների, Գիտության պետական կոմիտերի կազմած ցուցակներում։