Կառավարությունը ցորենի արտադրությունը խթանելու ծրագիր է մշակել

Կառավարությունը աշնանացան ցորենի արտադրության խթանման պետական աջակցության ծրագր է մշակել։ Շիրակի մարզի գյուղացիական տնտեսությունները 2900 տ աշնանացան ցորենի պահանջարկ են ներկայացրել։

Մեր երկրի՝ հացի  շտեմարան համարվող Շիրակի մարզում մեկնարկել է ցորենի բերքահավաքը։ Շուրջ 14 800 հա ցորեն է ցանվել,  մոտ 14 300 հա էլ գարի։ Այս տարի նախորդից 1070 հա-ով պակաս է ցանվել։

Ազատանի գյուղապետ Վարդան Իկիլիկյան․ «Քիչ ցանվելու հիմնական պատճառը սերմացուի պակասն էր»։

Պատճառներից հաջերդն էլ՝ ցորենի գնի սեզոնային տատանումը, ասում է Իկիլիկյանը։

«Ընդամենը մի 2 ամիս առաջ հացահատիկը 140 դրամով էին մթերում, հիմա եկել է հացահատիկը մթերելու ժամանակը՝ գինն իջեցրել են 100 դրամ»։

Սորենի սերմը, սակայն, 200-250 դրամ է 1 կիլոգրամը։ Որպեսզի սերմի հարցը լուծվի կառավարությունը աշնանացան ցորենի արտադրության խթանման պետական աջակցության ծրագր է մշակել։ Ծրագրին կարող են մասնակցել 2-20 հա մակերեսով ցորենի ցանքատարածություններ մշակող տնտեսվարողները։

Տրամադրվող սուբսիդիայի կամ փոխհատուցման գումարը 1 կգ սերմի համար կկազմի 70 դրամ: Ռուսաստանի դաշնությունից ցորեն ներկրողները նույնպես կարող են մասնակցել ծրագրին, ասում է Շիրակի մարզպետարանի գյուղատնտեսության վարչության պետ ՝ Մովսես Մանուկյանը։

100 տոննա ցորենի սերմի սպասում են Ազատան համայնքում, որ  300 հա ցանքի հարց լուծեն։

Իսկ ընդհանուր հաշվարկով Շիրակի մարզի գյուղացիական տնտեսությունները 2900 տ աշնանացան ցորենի պահանջարկ են ներկայացրել։ Հուսով են հաջորդ տարիներին ցորենի խնդիրը կմեղմվի։

Կառավարությունն աշնանացան ցորենի արտադրության խթանման պետական աջակցության ծրագր է մշակել։ Շիրակի մարզի գյուղացիական տնտեսությունները 2900 տ աշնանացան ցորենի պահանջարկ են ներկայացրել։