Սյունիքում հուլիսի 17-ի դրությամբ կա կորոնովիրուսով վարակված 130 հիվանդ։ Ամենաշատ վարակվածները Գորիսնում են՝ 59 հիվանդ։ Մինչ այժմ 5 մահ է գրանցվել, մահացածներն ունեցել են քրոնիկ հիվանդություններ։ Վարակը հիմնականում զանգվածային միջոցառումների եւ միջհամայնքային փոխայցելությունների ժամանակ է տարածվում։
Մինչև հուլիսի 17-ը Սյունիքում հաստատվել է կորոնավիրուսի 433 դեպք, որոնցից բուժվել է 298 քաղաքացի, տեղեկացնում է մարզպետի խորհրդական Գոռ Թադևոսյանը։
«Ունեցել ենք 5 մահ, մեկը՝ Կապանում, մեկը՝ Մեղրիում և 3-ը Սիսիանում։ Այս պահին փաստացի բուժվում է 130 քաղաքացի, որոնցից 16-ը հոսպիտալացված է Կապանի ԲԿ-ում, իակ 110 հիվանդ գտնվում է առողջության առաջնային պահպանման կենտրոնների հսկողության տակ, ունենք նաև 4 հիվանդ, որոնք տեղափոխվել են Երևանի ԲԿ-ներ»։
Գոռ Թադևոսյանը թվում է հիվանդների քանակը՝ ըստ համայնքների․
«Կապանում ունենք 18, Գորիսում՝ 59, Սիսիանում՝ 50, Քաջարանում՝ 2 և Տեղ համայնքում 1 հիվանդ։ Մարզում ընդհանուր ունենք 624 ինքնամեկուսացված քաղաքացիներ»։
Մարզում նույնպես վերահսկողություն իրականացնում են ոստիկաններն ու ԱԻՆ աշխատակիցները և սա արդյունք տալիս է, ասում է։
«Կարծում եմ քաղաքացիներն սկսել են գիտակցել և պահպանում են անվտանգության կանոնները։ Իհարկե, կլինեն քաղաքացիներ, որոնք դժվարանում են [դիմակներ] կրել, բայց ընդհանուր առմամբ մարդիկ գիտակցումով են մոտենում հարցին»։
Կորոնավիրուսից մահացածներն ունեցել են քրոնիկ հիվանդություններ, իսկ վարակի տարածման հիմնական ուղիները զանգվածային միջոցառուներն ու միչհամայնքային փոխայցելություններն են։
