Հայաստանի Առողջապահության նախարար Արսեն Թորոսյանն իր ֆեյսբուքի էջում հայտնել է, որ Թեհրանից Երևան ժամանած բոլոր ուղեւորները կգտնվեն տնային հսկողության տակ։
«Թեհրան-Երևան ինքնաթիռը, որը 52 ուղևորի փոխադրեց Զվարթնոց օդանավակայան մեր մասնագետի ուղեկցությամբ, բարեհաջող վայրէջք կատարեց:
Բոլոր ուղևորները նորից զննվել և ջերմաչափվել են, ինչը բավարար միջոց է այս պահին: Նրանք կգտնվեն տնային հսկողության տակ: Հաջորդ չվերթը լինելու ուրբաթ օրը: Նույն ընթացակարգով կիրականացվեն բոլոր կանխարգելիչ միջոցառումները:
Ավելի մանրամասն տեղեկատվություն կտրամադրվի նախարարության մամուլի ծառայության կողմից»,– հայտնել է Առողջապահության նախարարը:
