Երևանի քաղաքապետարանի 2019-2023 թվականների հնգամյա ծրագրի շրջանակներում սոցիալական ապահովության վարչությունը նախատեսել է միջոցառումներ, որոնք չեն իրականացվել նախորդ տարիներին՝ «Ռադիոլուրի» հյուրասրահում ասել է սոցիալական ապահովության վարչության պետ Ռուզաննա Զաքարյանը։ Նա մատնանշել է ծնելիության խթանմանն ուղղված ծրագրերը։
«Քաղաքապետարանն աջակցելու է կարիքավոր այն ընտանիքներին, որտեղ կծնվեն նորածիններ», – ասել է Ռուզաննա Զաքարյանը ։
Քաղաքապետարանի հնաբնակ պաշտոնյան քաղաքային նոր իշխանությունների հետ իր համագործակցությունը դրական է գնահատում և կարևորում է քաղաքային իշխանությունների սոցիալական մտածողությունը։
«Ես շնորհակալ եմ, որ ոչ միայն խնդիրները բարձրաձայնելու, այլ նաև դրանց լուծման համար աջակցության հնարավորություն կա», – ասել է Ռուզաննա Զաքարյանը։
