ՀՀ կրթության, գիտության, մշակույթի և սպորտի նախարարությունից հայտնում են, որ Մոսկվայում տեղի է ունեցել գրքի միջազգային ցուցահանդես։ Ցուցահանդեսի շրջանակում միջոցառումների սրահում տեղի է ունեցել հանդիպում հայ ժամանակակից գրողների՝ արձակագիր Լուսինե Հովհաննիսյանի և բանաստեղծ Կարեն Անտաշյանի հետ:
Հանդիպումների և քննարկումների ընթացքում ձեռք են բերվել պայմանավորվածություններ հայ դասական և ժամանակակից գրողների գործերն օտար լեզուներով, մասնավորապես, հայկական ժողովրդական հեքիաթները ռուսերեն թարգմանելու վերաբերյալ։
