«Զվարթնոց» օդանավակայանի աշտարակն ու փոքր օղակաձև ծավալը կպահպանվեն. քաղաքաշինության կոմիտեին հաջողվել է այս հարցում համաձայնության գալ ներդրողների հետ:
Նարեկ Սարգսյանն այսօր խոսել է 2018 թ անելիքների մասին: Ասել է, որ քաղաքաշինության ոլորտում ներդրումների նկատմամբ հետաքրքրությունը մեծացել է՝ շինարարության ծավալներն աճել են:
Դեռ խորհրդային տարիներից ի վեր մեր քաղաքում վեր են խոյանում կիսակառույց շինություններ,որոնք ոչ քանդվու են, ոչ էլ կառուցապատվում. դրանցից մեկը Սասունցի Դավիթ հրապարակում գտնվող կիսակառույց շինությունն է, որը տարիներ վերածվել է աղբավայրի, ժամանակ առ ժամանակ էլ այն անտուն մարդկանց կեցուոթյուն վայր է ծառայել, բայց արդեն երկուշաբթի օրվանից այստեղ վերջապես կսկվեն մոնտաժման աշխատանքերը:
Ներդրողը ամեն դեպքում այդպես խոստացել է քաղաքաշինության կոմիտեի նախագահ Նարեկ Սարգսյանին: Կայարանամերձ հրապարակի այդ մասում կառուցվելու է երկու կարգի հյուրանոց՝ 3 աստղանի և ավելի բարձր կարգի:
«Ներդրողը Լիբանանի քաղքացի է, ազգությամբ ոչ հայ: Ներդրումների ծավալը գերազանցում է 60 մլն դոլարը»:
Ժամանակին Երևանի ճարտարապետական դիմագիծ համարվում Երիտասարդական պալատը:Սակայն այն մեկ օրում ընդամենը 700 հազար դոլարով վաճառվեց,որից հետո ոչ սեյսմիկ լինելու պատճառաբանությամբ շենքը քանդվեց: Այնուհետև մի քանի անգամ ներդրողը փոխվեց ու մինչ այս պահը այդ տարածքում ոչինչ չկառուցվեց:
Այսօր Քաղաքաշինության կոմիտեի նախագահ Նարեկ Սարգսյանը մխիթարական ոչինչ չասաց այլ միայն տեղեկացրեց,որ մեկ ամիս առաջ սեփականատիրոջ հրավիրել է Երևան ու խոսել վերջինիս հետ, հիմա բանակցություններ են վարում, որպեսզի գտնեն շատ ներդրողների, քանի որ որպես մեկ ներդրումային ծրագիր, այն շատ բարդ է իրականացնել.
Մյուս ճարտարապետական շինությունը, որն այս պահին կանգնած է քանդման եզրին՝ Զվարթնոց օդակայանի հին մասնաշենք է: Այստեղ նույնպես խնդիր կա: Ներկա պահին կոմիտեն բանակցում է ներդրողների հետ և առայժմ հաջողվել է պահպանել օդանավակայանի աշտարակն ու փոքր օղակաձև ծավալը:
Ներդրումային մեկ այլ ծրագրի անդրադարձավ ոլորտի պատասխանտուն ու մատանշեց Ֆիրդուսի տարածքում իրականացվելիք շինարարությունը: Ասաց, որ որոշակի հատվածում ապրիլ ամսից կսկսվի ներդրումային ծրագրի իրականացումը. սակայն այստեղ խնդրահարույց հարցեր նույնպես կան, քանի որ տարածքի բնակիչները չեն կարողանում ընդհանուր հայտարարի գալ ներդրողի հետ:
Ի դեպ քաղաքաշինուոյուն կոմիտեի նախագահտը նշեց,որ 2017թ․-ին շինարարության ծավալներն աճել են 3%-ով, իսկ միայն այս տարվա հունվարի ցուցանիշը նախորդ տարվա նույն ժամանակահատվածի համեմատ գերազանցում է 20%-ը:
Նարեկ Սարգսյանը հավաստիացնում է, որ կառուցվող շենքերի սեսմակայությունը համապատասխանում է նորմաներին, և նրանք անհամեմատ ամուր են խորհրդային տարիներին կառուցված շենքերից:
