ՊՊԾ գունդը գրաված 10 անդամի գործով այսօրվա դատական նիստի ժամանակ ամբաստանյալների ու մեղադրող դատախազի միջեւ հերթական միջադեպ է տեղի ունեցել:
Կողմերը վիրավորել են միմյաց, դատավորը նախազգուշական սանկցիա է կիրառել դատախազի նկատմամբ, իսկ ամբաստանյալներ Պավլիկ Մանուկյանին, Արայիկ Խանդոյանին ու Սմբատ Բարսեղյանին հեռացրել դատարանի դահլիճից:
ՊՊԾ գունդը գրաված 10 ադամի գործով այսօրվա դատական նիստի ժամանակ ամբաստանյալների ու մեղադրող դատախազ Պետրոս Պետրոսյանի միջեւ միջադեպ տեղի ունեցավ: Լարվածությունը մեծացավ այնքան, որ դատավորը դատախազի նկատմամբ նախազգուշական սանկցիա կիրառեց:
Նշենք, որ նախորդ անգամ գործով պաշտպանները նիստին չէին ներկայացել, դատարանը գործում հանրային պաշտպան ներգրավելու որոշում էր կայացրել՝ հիմնավորելով, որ դա պայմանավորված է պաշտպանների վարքագծով։ Հանրային պաշտպաններն այսօր նշեցին, որ իրենց՝ դատարանում գտնվելը չի բխում ամբաստանյալների շահերից, առավել եւս, երբ վերջիններս չեն ցանկանում հանրային պաշտպաններ ունենալ:
Երբ հանրային պաշտպանների մասին կարծիք հայտնեց մեղադրող դատախազը , ամբաստանյալ Պավլիկ Մանուկյանը առանց դատավորի թույլտվության ընդհատեց նրան՝ ասելով որ «թքած ունի իր կարծիքի վրա»:
Այս արտահայտության համար դատավոր Մեսրոպ Մակյանը Պավել Մանուկյանի նկատմամբ սանկցիա կիրառեց՝ նախազգուշացման տեսքով, սակայն Մանուկյանը կրկին բղավեց:
ՊՊԾ գնդի գործով պաշտպան Արա Ղարագյոզյանն էլ միջնորդեց քրեական գործ հարուցել դատախազ Պետրոս Պետրոսյանի նկատմամբ դատարանում նրա վարքագիծը նկատի ունենալով։ Ղարագոզյանի խոսքով «նա վիրավորել է այնպիսի մարդուն, որ տարիներ շարունակ մեր սահմաններն է պաշտպանել»։
Ամբաստանյալներ Պավլիկ Մանուկյանը, Արայիկ Խանդոյանը ու Սմբատ Բարսեղյանը հեռացվեցին դատարանի դահլիճից:
