Սիրիական զորքերը վերահսկողություն են հաստատել Արևելյան Հալեպի վրա

Սիրիական զորքերն ու աշխարհազորայինները զինված խմբավորումներին դուրս են մղել Ֆիրդոուս թաղամասում գտնվող նրանց վերջին հենակետից, հայտնում է ռուսական ՏԱՍՍ գործակալությունը։ Այդպիսով նրանք ամբողջական վերահսկողություն են հաստատել Արևելյան Հալեպի վրա։ Այդ մասին հայտնել է «Լիբանկոլ» գործակալությունը, ըստ որի՝ քաղաքի ազատագրման լուրը առաջացրել է ժողովրդական մեծ ցնծություն։

Բազմաթիվ մարդիկ դուրս են եկել Հալեպի արևմտյային մասի փողոցներ և ողջունել են սիրիական բանակին։ Ավելի վաղ հաղորդվել էր, որ զինյալներն Արևելյան Հալեպում վերահսկում էին միայն երեք ոչ մեծ թաղամասեր։