Միջազգային

Պուտին- Էրդողան հանդիպումը կկայանա օգոստոսին՝ Ռուսաստանում

«Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թաիպ Էրդողանը կհանդիպեն օգոստոսի առաջին տասնօրյակում՝ ռուսական քաղաքներից մեկում»,-  հայտնել է Ռուսաստանի նախագահի մամուլի խոսնակ Դմիտրի Պեսկովը:

«Այժմ դիվանագիտական խողովակներով նախապատրաստվում ու մշակվում է նախագահների հանդիպումը: Մենք պայմանավորվել ենք, որ այդ հանդիպումը կայանա օգոստոսի առաջին տասնօրյակում, դա կլինի Ռուսաստանի Դաշնությունում, բայց քաղաքը և ամսաթիվը դեռ հստակեցվում է»,- ասել է Պեսկովը:

Կրեմլի մամուլի խոսնակը հերքել է տեղեկությունը, թե հնարավոր է՝ հանդիպումը տեղի ունենա Ադրբեջանի մայրաքաղաքում: «Բաքվում կանցկացվի Ռուսաստանի, Ադրբեջանի և Իրանի նախագահների եռակողմ հանդիպումը»,- ասել է Պեսկովը:

Back to top button