Թուրքիայի արտաքին գործերի նախարար Մևլութ Չավուշօղլուն չի բացառում, որ Անկարան կարող է թույլ տալ Մոսկվային օգտագործել Ինջիրլիքի ռազմակայանը: TRT հեռուստաընկերությանը Թուրքիայի արտաքին քաղաքական գերատեսչության ղեկավարն ասել է, որ Իսլամական պետության դեմ պայքարելու համար Թուրքիան պատրաստ է համագործակցել ցանկացած երկրի հետ:
«Ինջիրլիքը բաց է այն երկների համար, որոնք պատրաստ են ակտիվ պայքար մեղել «Իսլամական պետության» դեմ, որը մեր բոլորի ընդհանուր թշնամին է: Ինչպես նշել է Սերգեյ Լավրովը, մենք հարցի վերաբերյալ համաձայնության ենք եկել», -ասել է Չավուշօղլուն:
Թուրքիայի արտգործնախարարը նաև նշել է, որ Պուտին-Էրդողան հանդիպումը կարող է կայանալ հուլիսի վերջին կամ օգոստոսի սկզբին:
