Վերլուծական

Արաբագետները Հալեպի հայկական թաղամասի ռմբակոծման մեջ թուրքական ձեռք են տեսնում

alisagevorgyan

Սիրայում տիրող իրավիճակն ու մասնավորապես հյուսիսում՝ Լաթաքիայում և Հալեպում ծավալվող գործողություններն են այսօր վերլուծել արաբագետներ Արմեն Պետրոսյանն ուՍարգիս Գրիգորյանը: Արաբագետները  թուրքական ձեռագիր են  տեսնում, մասնավորապես քրդական ու հայկական թաղամասերի դեմ ուղղված գործողություններում:

 

Փետրվարին Սիրիայում հաստատված հրադադարը փասատացիորեն չի գործում: Ըստ արաբագետ   Արմեն Պետրոսյանի, դա ընդամենը հակակառավարական ուժերի կողմից օգտագործվեց ինքնակազմակերպվելու և հատկապես հյուսիսում նոր գրոհներ կազմակերպելու նպատակով: Վերջին  10-15 օրերի ընթացքում ռազմական ակտիվ գործողություններ են ծավալվել Լաթաքիայում և Հալեպում, որտեղ ռմբակոծվում են նաև հայկական թաղամասերը։

Արաբագետ Արմեն Պետրոսյանը թուրքական ձեռագիր է տեսնում, մասնավորապես, քրդական ու հայկական թաղամասերի դեմ ուղղված գործողություններում: Ըստ նրա, ռուսական օդուժի բացակայության պայմաններում Թուրքիան նպատակների իրականացման ազատություն  է ստացել: Չի  բացառում, որ Բունդեսթագում Հայոց ցեղասպանության վերաբերյալ բանաձևի ընդունումը ևս հայկական թաղամասերը թիրախավորելու առումով  իր որոշակի դերն է կատարել։

Արաբագետ Սարգիս Գրիգորյանը կարծում է, որ  ստեղծված իրավիճակում Թուրքիան Սիրիայում կգնա միակողմանի ռազմական գործողությունների , հատկապես եթե քրդական դիրքերը էլ ավելի ամրապնդվեն, ինչը Թուրքիայի գլխավոր մատահոգությունն է։

Սիրիայի հյուսիսում «Իսլամական պետության» դեմ իրականացվող ռազմական գործողությունները թույլ են տալիս, որ խմբավորումը կտրվի Թուրքիայի հետ սահմանից:  Գաղտնիք չէ, որ այդ սահմանից էր գալիս  «Իսլամական պետության»ն ուղղված մարդկային, ֆինանասական  ու ռազմական աջակցությունը: Սարգիս Գրիգորյանը խմբավորման դեմ հյուսիսում ծավալվող գործողությունները կարևորում է նաև նրանով, որ ԻՊ-ը մղվում է դեպի անապատ, որտեղ չի կարող պատսպարվել բնակչության թիկունքում ու նրա դեմ ռազամական պայքարն առավել արդյունավետ կարող է իրականացվել։

Back to top button