Հնարավոր է առաջիկայում Հայաստանում դեղերի գները թանկանան: Այսպիսի կանխատեսում այսօր խորհրդարանում արել են մի շարք պատգամավորներ: Նրանց մտահոգությունների հիմքը «Դեղերի մասին» օրենքի նախագիծն ու կից ներկայացված օրենքների փաթեթն է:
Պատգամավոր Հրանտ Բագրատյանը նախագծի հիմքում տեսել է կոռուպցիոն լուրջ ռիսկեր, Խաչատուր Քոքոբելյանն էլ անհասկանալի եւ անտրամաբանական է համարել արգելքը ԵՄ տարածքում գրանցված դեղերի ազատ մուտքի համար Հայաստան: Ասել է, թե նախատեսվող փորձաքննությունները նոր խնդիրներ կառաջացնեն դեղերի բիզնեսով զբաղվողների եւ որպես հետեւանք դեղերի շուկայի համար:
Խորհրդարանը, սակայն 78 կողմ, 13 դեմ եւ 24 ձեռնպահ ձայների հարաբերակցությամբ վերջին ընթերցմամբ ընդունել է վիճահարույց օրինագիծը:
