Սերտացնել հարաբերությունները Իրանի հետ՝ տնտեսական ոլորտում՝ միաժամանակ կամուրջ դառնալ՝ Իրանի համար դեպի Եվրասիական տնտեսական միության անդամ երկրներ մուտք գործելու հարցում: Հայաստանն արդեն մի քանի տարի է, ինչ այս ուղղություններով աշխատանքներ է կատարում: Այսօր Երևանում իր աշխատանքներն է սկսել «ԻՆՎԵՍՏ ԱՐՄԵՆԻԱ» 2016 գործարար համաժողովը, որի առանցքում նույնպես Հայաստան- Իրան Եվրասիական տնտեսական միության անդամ երկրներ հարաբերությունների զարգացումն է:
ԱԺ տնտեսական հարցերի մշտական հանձնաժողովի նախագահ Վարդան Այվազյանի տեղեկացմամբ, Հայաստանի ու Իրանի միջև առևտրաշրջանառությունը կազմում է 340 մլն դոլար: Պատգամավորը վստահ է, որ լավ աշխատելու դեպքում շրջանառությունը կարելի է մի քանի մլրդ դոլարի հասցնել: Էկոնոմիկայի նախարար Արծվիկ Մինասյանի խոսքով, Իրանի նկատմամբ պատժամիջոցների չեղարկումից հետո համագործակցությունն ընդլայնելու հնարավորություններ են տրված:
