ԼՂՀ կառավարությունն օգտագործում է բոլոր միջոցները, որպեսզի օր առաջ հրետակոծությունից վնասված ենթակառուցվածքները վերականգվեն: Քաղաքաշինության նախարարության մասնագետները հաշվարկներ են կատարում, շուտով այստեղ շինարարական աշխատանքներ կսկսվեն: ԼՂՀ քաղաքաշինության նախարար Կարեն Շահրամանյանի խոսքով, ամենահրատապը կրթօջախների վերականգնումն է: Նախարարության չորս խմբեր են այստեղ աշխատանքներ իրականցնում, չափագրում են հրետակոծության հետևանքները:
«Մարտակերտում առաջին հերթին դպրոցի ապակիները կտեղադրվեն։ Առաջիկա օրերին կսկսվեն այդ աշխատանքները, որպեսզի դպրոցը պատրաստ լինի, դրան զուգահեռ շենքերի, բնակելի տների տանիքների վերականգնման աշխատանքներ կիրականացվեն»,- ասել է ԼՂՀ քաղաքաշինության նախարար Կարեն Շահրամանյանը։
