Թուրքիան միշտ եղել է Ադրբեջանի կողքին և այդ մասին ամեն անգամ հայտարարել է: «Ռադիոլուր»-ի հետ զրույցում ասել է թուրքագետ Հակոբ Չաքրյանը՝ նշելով, որ Թուրքիան ղարաբաղյան հակամարտության դերակատարներից մեկն է:
Ռուսաստանը պարզապես չպետք է հավասարության նշան դներ, երկու կողմերին զսպվածության կոչ աներ՝ ասում է Չաքրյանը ու շեշտում, որ Թուրքիան, չնայած հայերի հանդեպ տածած ատելությանը, այնուամենայնիվ ունի իր շահերը:
Այս դեպքում այն պայմանավորված էր ռուս-թուրքական հարաբերությունների կտրուկ վատացմամբ: Թուրքիան այս առումով բավականին նեղ կացության մեջ ընկավ ու չկարողանալով անմիջական հարված հասցնել Ռուսաստանին, Ադրբեջանի հետ միասին սկսեց նրա դաշնակցի՝ Հայաստանի դեմ քայլեր ձեռնարկել:
Իսկ ահա Ղարաբաղ կոմիտեի անդամ Աշոտ Մանուչարյանը «Ռադիոլուր»-ի հետ զրույցում համեմատականեր անցկացրեց 88 –ի դեպքերի ու այս օրերի միջև: Ըստ նրա, այս դեպքում Ադրբեջանի գործողությունները թելադրված էին արտաքին ուժերի կողմից:
Այս օրերի իրադարձությունները միավորեցին ու մենք կրկին դարձանք կազմավորված հայություն, բայց այս պահը պետք է օգտագործել և գործել :
