Իրանում կայացած խորհրդարանական ընտրությունների արդյունքում պահպանողականներն առավելություն գրանցեցին բարեփոխականների նկատմամբ: Ինչ փոփոխություններ պետք է ակնկալել Իրանի խորհրդարանական ընտրություններից: Մեջլիսում հայ համայնքի ներկայացուցիչներին հատկացված 2 տեղերից մեկում ընտրված պատգամավոր, ՀՅԴ-ի քաղաքական աջակցությունը վայելող Ժորժիկ Աբրահամյանը, օրինակ, «Ռադիոլուր»-ի հետ զրույցում կարծիք է հայտնել, որ խորհրդարան չափավոր ուժերի կամ բարեփոխականների անցնելու վերաբերյալ դիտարկումներ կամ գնահատականներ տալն ու դրանց հիման վրա սպասումներ ձեւավորելը դեռեւս վաղ է: Խորհրդարան անցնող մեկ այլ հայազգի պատգամավոր՝ Կարեն Խանլարյանը նշել է, որ առաջիկա 4 տարիներին խորացնելու է արդեն իսկ որդեգրված քաղաքական կուրսը: Իրանագետ Ռուդիկ Յարալյանը կայացած ընտրությունների համատեքստում անդրադաձել է նաև Իրան-Հայաստան հարաբերություններին:
