ԱՄՆ պետքարտուղար Ջոն Քերին և Թուրքիայի ԱԳ նախարար Մեւլութ Չավուշօղլուն հինգշաբթի հեռախոսով քննարկել են Սիրիայի իրադրությունը և ԻԼԻՊ-ի դեմ պայքարը, հայտնում է RIA Novosti-ն:
«Նրանք քննարկել են Սիրիայում վերջին դեպքերը` ներառյալ հումանիտար օգնություն հասցնելու ջանքերը և երկրում զինադադարի հասնելը, ինչպես նաև ԻԼԻՊ-ի թուլացմանն ու ոչնչացմանն ուղղված ջանքերը»,- ասված է հաղորդագրությունում:
Բացի այդ` Քերին ցավակցել է իր թուրք գործընկերոջն Անկարայի ահաբեկչության կապակցությամբ:
