Խորհրդարանն այսօր ձայների 89 կողմ , 16 դեմ, 6 ձեռնպահ հարաբերակցությամբ ընդունել է մարդու իրավունքների պաշտպանի թեկնածու առաջադրելու կարգին վերաբերող նախագիծը: Ըստ դրա՝ օմբուդսմենի թեկնածու առաջադրելու իրավասությունը վերապահվ է լ պետաիրավական հանձնաժողովին: Սահմանվել է, որ հանձնաժողովի յուրաքանչյուր անդամ կարող է պաշտպանի մեկ թեկնածու առաջադրել: Նրանցից, սակայն, հանձնաժողովը կընտրի մեկին և որպես միակ թեկնածու կներկայացնի խորհրդարանի քննարկմանը: Գործող որոշման մեջ առաջարկվող փոփոխություննեը երեկ, հիշեցնենք, բուռն քննարկումների առիթ դարձան: Քվեարկությունից առաջ պետաիրավական հարցերի հանձնաժողովի նախագահ Հովհաննես Սահակյանն ասել է, որ նախագիծը փոփոխության չի ենթարկվել և քվեարկության է դրվելու նույն տեսքով: Սա բարկացրեց հատկապես այն պատգամավորներին, ովքեր երեկ պնդում էին, որ պետք է մի քանի թեկնածու առաջադրելու հնարավորություն սահմանել:
Նիստերի դահլիճում այսօր նաև հարկակին ու կրթական ոլորտներին վերաբերող նախածեր են քննարկվել, իսկ դահլիճից դուրս քննարկումները շարունակել են թեժանալ կոալիցիոն բանակցությունների, պորտֆելներ ստանալ- կորցնելու թեմայի շուրջ:
