Սինայի թերակղզում A321 ինքնաթիռի՝ պայթյունի պատճառով կործանման վարկածը ծագել է ԻԼԻՊ գրոհայինների հեռախոսազանգերի գաղտնալսման արդյունքում, գրում է Associated Press-ը՝ հղում անելով ամերիկյան հետախուզության աղբյուրներին:
Ավելի վաղ CNN հեռուստաալիքը հայտնել էր, որ ամերիկյան հատուկ ծառայությունները հակված են այն տարբերակին, որ Սինայի թերակղզում ընկած ռուսական օդանավը կարող էին պայթեցնել ԻԼԻՊ-ի գրոհայինները կամ ԻՊ խմբավորումներից մեկը:
NBC հեռուստաընկերությունն էլ տեղեկացրել է, որ քննարկվում է պայթուցիկ սարքը օդանավակայանի աշխատակիցներից մեկի կողմից ինքնաթիռ տանելու փաստը:
