ՀՀ-ում Իրանի Իսլամական հանրապետության դեսպանատան աջակցությամբ հոկտեմբերի 29-ին Հովհաննես Թումանյանի տուն-թանգարանում բացվել է «Հայ ճարտարապետությունն Իրանում» խորագրով ցուցահանդես: «Հայկական ճարտարապետությունն ուսումնասիրող» կազմակերպության ղեկավար՝ Սամվել Կարապետյանի փոխանցմամբ «Հայ ճարտարապետությունն Իրանում» խորագրով ցուցահանդեսը կգործի մոտ մեկ ամիս: Հուշարձանագետը չի բացառում, որ ցուցահանդեսը հետագայում կներկայացվի նաև Թեհրանում:
«Իրանի պետության կողմից մեր հուշարձանների հանդեպ բարյացկամ վերաբերմունք կա: Իրանում հայկական ժառանգությունն ուսումնասիրելու համար որևէ դժվարություն չունենք: Պետական մակարդակով վերաբերմունքը հուշարձանների հանդեպ, կարելի է ասել, օրինակելի»,-ընդգծում է Կարապետյանը:
