«Վերջին մեկ շաբաթվա ընթացքում Հայաստանի ու Ցեղասպանության ճանաչման հարցում եղավ այն, ինչը չէր եղել վերջին քսանհինգ տարվա ընթացքում»,- այսօր լրագրողների հետ հանդիպման ժամանակ հայտարարել է .քաղտեխնոլոգ Կարեն Քոչարյանը ՝ նկատի ունենալով և Քիմ Քարդաշյանի այցը Հայաստան, և ապրիլի 12-ին Սուրբ Պետրոս տաճարում Հայոց ցեղասպանության զոհերի հիշատակին նվիրված Ս. Պատարագի ընթացքում Հռոմի Ֆրանցիսկոս պապի հայտարարությունը: Քաղտեխնոլոգը Հայաստանի վարկանիշի ու ճանաչման հարցում բարձր է գնահատում նաև միջազգային հեղինակավոր լրատվամիջոցների արձագանքը:
Մեկ այլ քաղտեխնոլոգ՝ Վիգեն Հակոբյանը Ցեղասպանության հարյուրամյա տարելիցին նվիրված միջոցառումների երկու թիրախային խումբ է առանձնացրել՝ Հայաստանի ներսում և Հայաստանից դուրս: Նա հաջողված է համարում Հայաստանից դուրս կազմակերպվող միջոցառումները: Սակայն, վերջին մեկ շաբաթվա ընթացքում կատարված իրադարձություններն իհարկե դրական ազդեցություն ունեցան և դեռ ունենալու են: Հռոմի Ֆրանցիսկոս պապի հայտարարությունն ունի ոչ միայն բարոյական , այլ՝ քաղաքական նշանակություն, որի արձագանքը նույնպես կլսենք առաջիկայում:
