Վենեսուելայի իշխանությունները հայտնել են, որ երկրաշարժի հետեւանքով զոհվել է 32 մարդ, 700-ից ավելին տուժել են։
Չորեքշաբթի երեկոյան Վենեսուելայի մայրաքաղաքից արեւմուտք գրանցվել են 7,2 եւ 7,5 մագնիտուդով երկու ուժեղ ստորգետնյա ցնցումներ։ Արդյունքում Կարակասում շենքեր են փլուզվել, իսկ մասնագետները կանխատեսում են մեծ թվով զոհեր։
ԱՄՆ երկրաբանական ծառայության տվյալներով՝ երկրորդ երկրաշարժը տեղի է ունեցել առաջինից մեկ րոպե էլ չանցած։
«Հավանական են մեծաթիվ զոհեր եւ լայնածավալ ավերածություններ, իսկ աղետը, ամենայն հավանականությամբ, կունենա մեծ մասշտաբներ»,- հայտարարել է ԱՄՆ երկրաբանական ծառայությունը՝ նշելով, որ նախնական գնահատականներով զոհերի թիվը կարող է կազմել 10- 100 հազար մարդ։
Իշխանությունները դեռեւս չեն ներկայացրել զոհերի եւ տուժածների թվի գնահատականներ։ «Կարակասում որոշ շենքեր փլուզվել են», — պետական հեռուստատեսության եթերում ասել է ներքին գործերի նախարար Դիոսդադո Կաբելյոն։
Reuters- ը փոխանցում է, որ Վենեսուելայի նախագահի պարտականությունները կատարող Դելսի Ռոդրիգեսը հայտարարել է արտակարգ դրություն սահմանելու մասին։ Նա նաեւ հայտնել է, որ երկրաշարժի հետեւանքով վնասվել եւ փակվել է Կարակասի միջազգային օդանավակայանը, փոխանցում է Reuters-ը։
Երկրաշարժի պահին շատ վենեսուելացիներ գտնվել են տներում, քանի որ տոնական օր էր։ Երկրում նշվում էր Կարաբոբոյի ճակատամարտի (1821 թ.) տարեդարձը, երբ Սիմոն Բոլիվարը բանակը հաղթանակ տարավ իսպանական զորքերի նկատմամբ եւ ապահովեց Վենեսուելայի անկախությունը։
