Այսօր ֆինանսական աշխարհում գրանցվել է պատմական ռեկորդ. ամերիկացի գործարար Իլոն Մասկը պաշտոնապես դարձել է մարդկության պատմության մեջ առաջին դոլարային տրիլիոնատերը: Դա տեղի է ունեցել նրա SpaceX տիեզերական ընկերության՝ ֆոնդային բորսա հաջող մուտքի շնորհիվ:
SpaceX-ը Nasdaq բորսայում իրականացրել է պատմության ամենախոշոր IPO-ն (բաժնետոմսերի առաջնային տեղաբաշխումը)՝ ներգրավելով $75 միլիարդի ներդրում: Առևտրի մեկնարկից անմիջապես հետո ընկերության բաժնետոմսերի գինը $135-ից կտրուկ բարձրացել է՝ անցնելով $166-ի սահմանագիծը: Արդյունքում SpaceX-ի շուկայական կապիտալիզացիան գերազանցել է $2 տրիլիոնը:
Քանի որ Իլոն Մասկին է պատկանում SpaceX-ի բաժնետոմսերի մոտ 42%-ը, բորսայական այս թռիչքի հաշվին նրա անձնական հարստությունը (ներառյալ Tesla-ի և X-ի բաժնեմասերը) գերազանցել է $1,1 տրիլիոնը:
Այս ցուցանիշով Մասկի անձնական կապիտալն արդեն գերազանցում է այնպիսի զարգացած երկրների տարեկան ՀՆԱ-ն, ինչպիսիք են Շվեդիան, Թայվանը և Իռլանդիան: Վերլուծաբանները նշում են, որ սա աննախադեպ իրադարձություն է, որը նոր էջ է բացում մասնավոր տիեզերական արդյունաբերության և գլոբալ ֆինանսների պատմության մեջ:
