Շվեդական զինված ուժերի՝ օտարերկրյա սուզանավի հայտնաբերման խոշորամասշտաբ գործողություններից ինն ամիս ասնց շվեդ սուզորդները հայտարարել են, որ երկրի տարածքային ջրերում հայտնաբերել են խորտակված ռուսական սուզանավ, հայտնում է Բի Բի Սի- ն։
Շվեդական հրամանատարությունը, սակայն, դեռ չի հաստատում այս լուրը՝ ընդգծելով, որ պաշտպանության նախարարության փորձագետները աշխատում են այդ ուղղությամբ։ «Մեր վերլուծաբանները դեռ չեն ներկայացրել իրենց եզրակացությունը եւ կցանկանայինք տեսնել ավելի շատ նկարներ (հայտնաբերված օբյեկտի. խմբ.)»,- «Ֆրանս պրեսին» հայտնել է Շվեդիայի ՊՆ ներկայացուցիչ Անդերս Կապլինը։
Սուզանավը հայտնաբերած Ocean X Team ընկերության ջրասուզակներից Շտեֆան Խոգեբորնը լրագրողներին հայտնել է, որ հայտնաբերված նավն արտաքինից տեսանելի վնասվածքներ չունի։
Expressen հանդեսն էլ հայտնում է, որ հնարավոր է հայտնաբերվել է ռուսական «Սոմ» սուզանավը, որը խորտակվել էր Առաջին աշխարհամարտի ժամանակ։
