Քրդական ռազմական կազմավորումների ներկայացուցիչները հայտարարել են, որ Անկարայի հետ հրադադարը կորցրել է իմաստը՝ Իրաքի հյուսիսում այս գիշեր քրդական ճամբարների վրա թուրքական ավիահարվածներից հետո։
«Հրադադարն այլեւս իմաստ չունի թուրքական զավթիչ բանակի կողմից ինտենսիվ ավիահարվածներից հետո»,- «Ռոյթերին» հայտնել են Քրդական աշխատավորական կուսակցության ղեկավարությունից։
Հրադադարը հաստատվել էր 2013- ի գարնանը Թուրքիայի այն ժամանակվար վարչապետ Ռեջեփ Թաիպ Էրդողանի եւ քուրդ ապստաբների միջեւ մեկ տարուց ավելի տեւած դժվարին բանակցություններից հետո։
