Ռուսաստանի արտաքին գործերի նախարար Սերգեյ Լավրովը հայտարարել է, որ Հայաստանում տեղի ունեցող բողոքի գործողությունները քաղաքականացնելու փորձ է արվում: «Այդ իրադարձությունների արմատները բացառապես տնտեսական են, սակայն ոմանց թվում է, թե օգտակար կլիներ գործընացները տանել քաղաքական հունով», Ռիա-նովոստի գործակալության փոխանցմամբ ասել է Ռուսաստանի արտգործնախարարը:
«Շատ մեծ ուշադրություն է հատկացվում երիտասարդությանը ազգային օրակարգի ձևավորման հարցում, այդ թվում այսպես կոչված խաղաղ ցույցերի դիտակետից, որոնք ավելի ու ավելի են օրինաչափ դառնում», ասել է Ռուսաստանի արտգործնախարարը՝ երևանյան իրադարձությունները համեմատելով Մայդանի հետ:
«Գիտեք, ինպես են սկսվել գունավոր հեղափոխությունները, Մայդանը՝ Ուկրաինայում, ներկայիս հարաբերությունները՝ Հայաստանում: Կա գայթակղություն՝ հակակառավարական տրամադրություններ սրելու, թեև այս իրադարձությունների հիմքը բացառտապես տնտեսական է, սակայն, ինչ-որ մեկի համար, թերևս օգտակար է զարգացնել գործընթացները քաղաքական հունով», հայտարարել է Ռուսաստանի արտաքին գործերի նախարարը ԲՐԻԿՍ-ի երիտասարդական ֆորումի մասնակցիների հետ հանդիպման ժամանակ:
