Այսօր Աժ-ում տեղի ունեցավ երբեմնի քառյակի գործընկերներ՝ Դաշնակցություն եւ ՀԱԿ խմբակցությունների վերջնական ապահարզանը, համեյանդեպս խորհրդարանի ամբիոնից ՀԱԿ խմբակցության ղեկավար Լեւոն Զուրաբյանն ուղիղ մեղադրանքներ հնչեցրեց Դաշնակցության հասցեին:
Դաշնակցությունն այսօր խորհրդարանում թիրախ էր դարձել «Հանրաքվեի մասին օրենքում» փոփոխությունների եւ լրացումների երկրորդ ընթերցմամբ եւ ամբողջությամբ քննարկումների ժամանակ: Խնդիրն այն է, որ նախաձեռնության հեղինակը եւ ներկայացնողը դաշնակցություն խմբակցությունն էր: Մինչեւ հերթը կհասներ Դաշնակցություն խմբակցությանը՝ պատասխանը հնչեցնելու համար, գործին՝ ավելի ճիշտ վեճին խառնվեց Աժ-ի նախագահ Գալուստ Սահակյանը:
Ի վերջո, հնչած մեղադրանքներին Դաշնակցությունից հնարավորություն ունեցավ պատասխանել պատգամավոր Արծվիկ Մինասյանը՝ ՀԱԿ խմբակցության ղեկավարի խոսքերը որակելով «աշխարհացունց հայտարարություն»:
