ՌԴ հայտնի երգչուհի Ալլա Պուգաչովան կարող է համերգով հանդես գալ Վրաստանում, հայտնել է Վրաստանի Մշակույթի պալատի նախագահ Դավիդ Օկիտաշվիլին, գրում է Ռիա նովոստին։
«Այժմ բանակցություններ են տարվում Պուգաչովայի՝ Թբիլիսի այցի կազմակերպման շուրջ: Եթե բանակցությունները բարեհաջող ավարտվեն, մենք շատ ուրախ կլինենք, իսկ համերգը տեղի կունենա հոկտեմբերի վերջին»,- ասել է Օկիտաշվիլին։
Պրիմադոննայի վերջին համերգը Թբիլիսիի Սպորտի պալատում կայացել է 1998թ. նոյեմբերին։ Այդ ժամանակ համերգին ներկա է եղել մոտ 9.000 մարդ։ Երգչուհու ամենաառաջին ելույթը Վրաստանում եղել է 1979-ին։
