ՀՀ արտգործնախարար Էդվարդ Նալբանդյանը չորեքշաբթի Փարիզում կհանդիպի Ղարաբաղյան հակամարտության կարգավորմամբ զբաղվող ԵԱՀԿ Մինսկի խմբի համանախագահների հետ։ Այս մասին հայտնում է «Նովոստի Արմենիան»։
Համանախագահներ Իգոր Պոպովի (Ռուսաստան), Պիեռ Անդրիեի (Ֆրանսիա) և Ջեյմս Ուորլիքի (ԱՄՆ), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ Նալբանդյանի նախկին հանդիպումը տեղիէր ունեցել փետրվարի 17-ին Երևանում։ Այդ ժամանակ միջազգային միջնորդները Երևան էին ժամանել տարածաշրջան այցի շրջանակում։
