Թուրքագետ Հակոբ Չաքրյանի համոզմամբ Եվրախորհրդարանի բանաձևը սպառում է Հայոց ցեղասպանության ճանաչման գործընթացին հակազդելու Թուրքիայի հնարավորությունները: Չաքրյանը նաև չի բացառում, որ Հռոմի պապի հայտարարություններն ու Եվրախորհրդարանի բանաձևը կազդեն հայոց ցեղասպանության հարցում պաշտոնական Վաշինգտոնի դիրքորոշման վրա: Կառավարման փորձագետ Հարություն Մեսրոպյանն էլ պնդում է, որ Հայոց ցեղասպանության ճանաչման գործընթացում 2015-ի ապրիլի 24-ից հետո նոր փուլ է մեկնարկում: Ցեղասպանության միջազգային ճանաչման ոլորտում հաջողության հասնելու համար նա կարևորում է հայության միասնական ջանքերն ու ծրագրային մոտեցումը:
