Միջազգային

Իրաքում հայտնաբերվել է ԻՊ 1700 զոհերի եղբայրական գերեզման

Իրաքի հյուսիսային Տիկրիտ քաղաքում «Իսլամական պետություն» խմբավորման գրոհայինների նահանջից հետո հայտնաբերվել են զանգվածային հուղարկավորության դեպքեր: BBC-ի հաղորդմամբ՝  եղբայրական գերեզմանում 1700 իրաքցի զինվորների աճյուններն են։ Նրանց ջիհադականները գերի էին վերցրել անցյալ տարվա ամռանը:

Գերեզմանը հայտնաբերվել է Քեմփ Սփիչեր ամերիկյան ռազմակայանի մոտակայքում: Շիաների զանգվածային սպանությունները  Քեմփ Սփիչերում  2014 թվականի հունիսին դարձել է «Իսլամական պետության» դաժանության և Իրաքի շիա մեծամասնության նկատմամբ նրանց ատելության ամենացայտուն դրսևորումներից:

Ահաբեկչները պարբերաբար համացանցում զետեղում էին իրաքյան բանակի զինծառայողների դեմ հաշվեհարդարի ձայնագրություններ: Սպանվածների հարազատներն Իրաքի իշխանություններից պահանջում են հնարավորինս կարճ ժամկետներում իրականացնել մարմինների ինքնությունը պարզելու գործողություն:

Back to top button