Ալբանիայի ֆուտբոլի ազգային հավաքականի գլխավոր մարզիչ Ջիանի դե Բիասին կարծում է, որ Հայաստանի դեմ առաջիկա խաղը հեշտ չի ստացվելու: «Եթե կիրակի օրը հաղթենք, ապա շատ երջանիկ կլինենք: Կարող եմ ասել, որ դա լինելու է իմ կարիերայի կարեւոր հանդիպումը, ու մենք խաղալու ենք միայն հաղթանակի համար: Կարծում եմ, որ Հայաստանի դեմ խաղը վճռորոշ է լինելու ինչպես մեզ, այնպես էլ նրանց համար»,- ասել է դե Բիասին։
Իտալացի մասնագետը նշել է, որ Հայաստանի հավաքականը հեշտ մրցակից չէ, ու մարզչական շտաբը կարողացել է լավ թիմ ստեղծել:
Ալբանիա-Հայաստան հանդիպումը կայանալու է մարտի 29-ին: «ԵՎՐՈ-2016»- ի ընտրական փուլում ալբանացիները 3-րդ տեղում են, իսկ հայերը՝ վերջին:
